‘बाहुबली’च्या सीरिजमधील आपल्या शिवगामी या व्यक्तिरेखेने दहशत निर्माण करणारी रम्या कृष्णन दक्षिणेतील एका बड्या दिग्दर्शक कृष्णा वामसीची पत्नी आहे. पण कृष्णाने शपथ घेतली होती की, तो कधीही रम्याला त्याच्या चित्रपटात साइन करणार नाही किंवा दिग्दर्शन करणार नाही. जाणून घ्या यामागचे कारण काय आहे?
‘बाहुबली पार्ट 1’ आणि ‘बाहुबली पार्ट 2’ सारख्या चित्रपटांमध्ये शिवगामीची भूमिका साकारून स्टारडमवर पोहोचलेल्या रम्या कृष्णनचा 15 सप्टेंबर रोजी 52 वा वाढदिवस होता. रम्या कृष्णनची आज दक्षिण भारतीय चित्रपटसृष्टीतील आघाडीच्या अभिनेत्रींमध्ये गणना केली जाते, पण तिने बॉलिवूडमध्येही एक वेगळी ओळख निर्माण केली आहे.
प्रत्येक निर्माता-दिग्दर्शक आणि अभिनेत्याला तिच्यासोबत काम करायचे असते. पण असा एक माणूस आहे, ज्याने रम्या कृष्णनसोबत कधीही काम न करण्याची शपथ घेतली होती. हा रम्या कृष्णनचा नवरा कृष्णा वामसी आहे. याच्या मागचे कारण काय होते, याचा खुलासा रम्या कृष्णनने अनेक वर्षांपूर्वी दिलेल्या एका मुलाखतीत केला होता.
रम्या कृष्णनचे पती कृष्णा वामसी हे तेलुगू चित्रपटांचे प्रसिद्ध दिग्दर्शक आहेत. चित्रपटांमध्ये एकत्र काम करत असतानाच रम्या कृष्णन कृष्णा वामसीच्या प्रेमात पडली होती. रम्या कृष्णन आणि कृष्णा वामसी यांनी काही वर्षे एकमेकांना डेट केल्यानंतर लग्न केले. आज राम्या आणि कृष्णा वामसी खूप आनंदी जीवन जगत आहेत. त्यांना एक मुलगाही आहे.
पण कृष्णा वामसी यांना रम्या कृष्णनसोबत कोणत्याही चित्रपटात काम करायचे नव्हते. कृष्णा वामसीच्या चित्रपटात काम करत असताना तिने असे कृत्य केले, ज्यानंतर कृष्णा वामसीला राग आला. रम्या कृष्णनने काही वर्षांपूर्वी ‘बिहाइंडवुड्स डॉट कॉम’ला दिलेल्या मुलाखतीत हा संपूर्ण किस्सा सांगितला होता.
रम्या कृष्णन म्हणाली होती की, इच्छा असूनही ती पतीसोबत चित्रपटात काम करू शकत नाही. रम्याच्या मते, कृष्णा वामसी तिला दिग्दर्शन करू इच्छित नाही.रम्या कृष्णनने सांगितले होते की, ‘आमच्या लग्नानंतर लगेचच मी त्यांच्या श्री अंजनेयम या चित्रपटात पाहुण्यांची भूमिका करत होते. जेव्हा तो मला डायलॉग्स द्यायचा तेव्हा मी हसायचे. आणि कृष्णा एक गंभीर दिग्दर्शक आहे.
मी हसले तर त्याला ते अजिबात आवडले नाही. तेव्हा त्याने शपथ घेतली की, तो मला त्याच्या चित्रपटात साईन करणार नाही किंवा दिग्दर्शन करणार नाही. रम्या कृष्णन आणि कृष्णा वामसी यांचे 2003 साली लग्न झाले. साऊथ चित्रपटांव्यतिरिक्त रम्याने बॉलिवूडमध्येही खूप काम केले. तिने 1993 मध्ये यश चोप्रा यांच्या ‘परंपरा’ या चित्रपटातून बॉलिवूडमध्ये पदार्पण केले.
नंतर त्यांनी विनोद खन्ना ते अनिल कपूर यांच्यासोबत काम केले. ‘बडे मियाँ छोटे मियाँ’ या चित्रपटात अमिताभ बच्चनसोबत रम्या कृष्णनची जोडी प्रेक्षकांच्या खूप पसंतीस उतरली होती. अलीकडेच रम्या कृष्णन विजय देवरकोंडा स्टारर ‘लिगर’मध्ये दिसली होती.आता लवकरच ती रजनीकांत स्टारर ‘जेलर’ चित्रपटात दिसणार आहे.
