चित्रपट निर्माता करण जोहरच्या ‘कॉफी विथ करण’ या रिअॅलिटी शोमध्ये, सेलिब्रिटी आपल्या सगळ्या सीमा ओलांडतात, आणि असे दुहेरी अर्थाच्या गोष्टी बोलतात की, लोक ऐकून आश्चर्यचकित होतात. या शोमध्ये सेलेब्स लाइफवर प्रेम करण्यासाठी सांगतात तसेच त्यांच्या बेडरूमच्या रहस्यांवरही खुलेपणाने बोलताना दिसत आहेत.
अशाच काही प्रश्नांच्या उत्तराने उद्योगक्षेत्रात खळबळ उडाली आहे. स्पॉट रिस्पॉन्ससाठी ओळखली जाणारी अभिनेत्री ट्विंकल खन्ना गेल्या एका सीझनमध्ये पती अक्षय कुमारसोबत हजेरी लावण्यासाठी आली होती. यादरम्यान ट्विंकल खन्नाने देखील अक्षय आणि करणला आपल्या उत्तराने आश्चर्यचकित केले.
‘कॉफी विथ करण’मध्ये ट्विंकलने करणच्या प्रश्नांची उत्तरे मोठ्या बिनधास्तपणे दिली. काही उत्तरे दुहेरी अर्थाची होती, आणि काही अचूक होती. काही उत्तरांनी अक्षयलाही आश्चर्य वाटले. जेव्हा करण जोहरने अक्षयला विचारले की, त्याच्यामध्ये असे काय आहे, जे इतर खान कलाकारांमध्ये नाही. याच्या उत्तरात ट्विंकल म्हणाली, “काही एक्स्ट्रा इंच”.
हे ऐकून करण भडकला, आणि अक्षयही डोकं वाकवून चहा पिताना आपल तोंड लपवताना दिसला. यावर स्पष्टीकरण देताना ट्विंकल म्हणाली की, ती पायाच्या आकाराबद्दल बोलत होती. ट्विंकल खन्नाने काही काळापूर्वी हा व्हिडिओ इन्स्टाग्रामच्या माध्यमातून तिच्या चाहत्यांसोबत शेअर केला होता.
हा व्हिडिओ शेअर करताना ट्विंकलने कॅप्शनमध्ये सांगितले की, हा तिला तिचा मित्र करण जोहरने पाठवला होता आणि यावर दोघेही खूप हसले. ट्विंकलचा हा व्हिडीओ पाहिल्यानंतर हे स्पष्ट होते की, उत्तर देण्याच्या बाबतीत तिला क्वचितच कोणीही हरवू शकेल. अक्षय आणि ट्विंकल हे पॉवर कपल मानले जाते.
ट्विंकल खन्नाने 90 च्या दशकात बरसात या चित्रपटातून आपल्या फिल्मी करिअरची सुरुवात केली. त्यांचा शेवटचा चित्रपट लव के लिए कुछ भी करेगा हा होता. त्यानंतर ट्विंकल खन्नाने अभिनय क्षेत्र सोडले. आणि 2015 मध्ये लेखक म्हणून समोर आली. तर अक्षय सतत चित्रपट करत आहे. सध्या त्याचा रक्षाबंधन हा चित्रपट प्रदर्शित झाला आहे.
